சிறிலங்கா அரசின் சட்டவிரோதமாக சொத்து குவித்தல் விசாரணை பிரிவினரால் யாழில் 9 கோடி பெறுமதியான சொத்துக்களை முடக்க உத்தரவிடப்பட்டுள்ளது.. இவை போதை பொருள் விற்பனை பணத்தில் கட்டப்பட்டுள்ளதாக சந்தேகத்தின் பேரில் இந்த நடவடிக்கை எடுக்கப்பட்டுள்ளதாக தெரியவருகிறது.
தகவல்களின்படி, 7 கோடி பெறுமதியான இரண்டு மாடி வீடு மற்றும் 1.5 கோடி காசு என்பனவையே முடக்கப்பட்டுள்ளது. விசேட அதிரடிபடையால் 31,August 2023 அன்று ஒன்றரை கோடி பணத்துடன் லொறி ஒன்றுடன் கைது செய்யப்பட்ட ஐவர் தொடர்பான சொத்துக்களே இவ்வாறு முடக்கப்பட்டுள்ளன.
32 வயதான மாதகல் இளைஞர், போதைபொருள் கடத்தல் செயற்பாடுகளின் மூலம் பெற்ற பணத்தில் கட்டிய இரு மாடி சொகுசு வீட்டை கட்டியுள்ளதாக தெரியவந்துள்ளது.அவரும் மேலதிக நால்வரும் தொடர்ந்தும் யாழ்ப்பாண நீதிமன்றால் மறியலில் தடுத்து வைக்கப்பட்டுள்ளனர்.