பிரான்சின் பாரிஸ் மற்றும் அதன் சுற்றியுள்ள பிராந்தியங்களில் இயங்கும் RATP (Régie Autonome des Transports Parisiens) பொதுப் போக்குவரத்தைப் பயன்படுத்தும் போது, அதற்கான சட்ட விதிகளையும், அபராதங்களையும் தெரிந்து வைத்திருப்பது மிகவும் அவசியமாகும். சிறு அலட்சியம் கூட உங்களுக்குப் பல பத்து யூரோக்கள் அபராதத்தை (Amende) ஏற்படுத்தக் கூடும்.
- பயணச் சீட்டு மற்றும் Navigo ஸ்கேன் செய்யாதற்கான அபராதங்கள்
- பயணச் சீட்டு (Ticket) இன்றி பயணிப்பது: செல்லுபடியாகும் டிக்கெட் இல்லாமல் பயணிப்பது அல்லது தவறான Zone இற்கான டிக்கெட்டைப் பயன்படுத்துவது குற்றமாகும். இதற்கான அபராதம் இடத்திலேயே செலுத்தப்பட்டால் €50, பிந்தைய நாட்களில் செலுத்தப்பட்டால் €80 முதல் €100 வரை உயரும்.
- Navigo அட்டையை ஸ்கேன் செய்யத் தவறுவது: உங்களிடம் செல்லுபடியாகும் மாதாந்திர அல்லது வருடாந்திர Navigo Pass இருந்தாலும், பஸ் அல்லது டிராம் (Tramway) வாகனங்களில் ஏறும் பொது அதை ஸ்கேன் (Valider) செய்ய வேண்டும்.தவறும் பட்சத்தில் €5 வரை அபராதம் விதிக்கப்படும்.
- கைவிடப்பட்ட பைகள் மற்றும் பொருட்கள் (Sacs Abandonnés)
மெட்ரோ நிலையங்கள் அல்லது ரயில்களில் உங்கள் பைகள், லக்கேஜ்கள் அல்லது உடைமைகளைத் தவறவிடுவது மிகப்பெரிய பாதுகாப்பு அச்சுறுத்தலாகக் கருதப்படும்.
- போக்குவரத்துத் தடை: கைவிடப்பட்ட பைகளைக் கண்டறிந்தவுடன், வெடிகுண்டு பயங்கரவாத அச்சுறுத்தல் காரணமாக முழு மெட்ரோ பாதையையும் நிறுத்தப்பட்டு சோதனையிடப்படும்.
- கடுமையான அபராதம்: உங்களது அலட்சியத்தால் போக்குவரத்துத் தடைபட்டால், RATP மற்றும் காவல்துறை மூலம் உங்களைக் கண்டறிந்து €175 முதல் பல்லாயிரம் யூரோக்கள் வரை அபராதமும் சட்ட நடவடிக்கையும் எடுக்கப்படலாம்.
- அபராதங்களை எதிர்த்து மேன்முறையீடு செய்வது எப்படி?
RATP அதிகாரிகளால் தவறுதலாக அல்லது நியாயமான காரணங்களுடன் (எ.கா: Navigo இயந்திரக் கோளாறு) உங்களுக்கு அபராதம் விதிக்கப்பட்டிருந்தால்:
- அபராதம் விதிக்கப்பட்ட 2 மாதங்களுக்குள் RATP இன் அதிகாரபூர்வ இணையத்தளத்தில் உள்ள “Reclamation / Contestation” பகுதி மூலம் ஆன்லைனில் மேன்முறையீடு செய்யலாம்.
- உங்கள் Navigo அட்டை எண், பயணச் சீட்டு ரசீது அல்லது புகைப்பட ஆதாரங்களைச் சமர்ப்பித்து அபராதத்தை இரத்துச் செய்யக் கோர முடியும்.
விதிமுறைகளைச் சரியாகப் பின்பற்றி பயணச் சீட்டுக்களைச் சரிபார்ப்பதன் மூலம் தேவையற்ற மன உளைச்சலையும் நிதி இழப்பையும் தவிர்க்கலாம்.
அதிகாரபூர்வ அரச இணையத்தள இணைப்புகள்:
- RATP (சட்ட விதிகள் & அபராதங்கள் விபரம்): ratp.fr – Infractions et amendes
- Île-de-France Mobilités (பயண உரிமைகள்): iledefrance-mobilites.fr
- Service-Public (பொதுப் போக்குவரத்து அபராதங்கள் மேன்முறையீடு): service-public.fr – Contester une amende de transport