பாரிஸ் நகரத் திட்டமிடல் நிறுவனம் (Apur) சமீபத்தில் குளிர்சாதனக் கருவிகளின் பயன்பாடு குறித்து மேற்கொள்ளப்பட்ட ஒரு விரிவான ஆய்வின் முதல் பகுதி முடிவுகளை வெளியிட்டுள்ளது. ஒருகாலத்தில் ஆடம்பர வசதியாகக் கருதப்பட்ட இந்தக் கருவிகள், தற்போது பாரிஸில் வீடுகள், அலுவலகங்கள், கடைகள் என பல்வேறு கட்டடங்களில் சாதாரணமாகப் பயன்படுத்தப்படுகின்ற பொருட்களாக மாறியுள்ளன. இருப்பினும், இந்த வளர்ச்சிகளுடன் சேர்ந்து பக்கவிளைவுகளும் கூடவே வளர்ந்து வருகின்றன. குளிர்சாதனங்கள் உள்ளே எவ்வளவு இதமாக குளிர்ச்சியை வழங்குகின்றனவோ அதற்கு அதிகமாக சூழலுக்கு வெப்பத்தை வழங்குகின்றன.

குளிர்சாதனங்கள் உள்ளே ஏற்படுத்தும் குளிரின் அளவுக்கு ஏற்ப வெப்பத்தை வெளியேற்றுகின்றன. பல கட்டடங்களில், இந்த வெப்பம் நேரடியாக தெருக்களில் வெளியேற்றப்படும் வகையில் அந்த குளிர் சாதனங்கள் பொருத்தப்பட்டுள்ளன. இதனால், குறிப்பாக கோடை இரவுகளில், நகரம் தானாகக் குளிர வேண்டிய நேரத்தில் கூட அதிக வெப்பம் நிலவுகிறது.

ஜூலை மாதத்தின் வழமையான நாளொன்றை கற்பனை செய்து பாப்போம் சூரியன் கூரையையும் சாலையையும் சுட்டெரிக்கும் அந்த பகல் பொழுது முழுவதும் கடந்த பின்னர் குளிர்ச்சியான இரவுக்காக காத்திருப்போம் இரவும் சுட்டெரித்தால் ? இரவு வேளையில் நீங்கள் ஜன்னலைத் திறந்து இதமான குளிர் காற்றை சுவாசிக்க நினைக்கிறீர்கள் ஆனால் துரதிஷ்டவசமாக கீழே உள்ள வீட்டில் பொருத்தப்பட்டுள்ள குளிர்சாதனத் தொட்டியிலிருந்து வரும் சூடான காற்று உங்களது அறைக்குள் புகுந்து விட்டது இப்பொழுது உங்களது உணர்வு ஏவாறிருக்கும்?

இது ஒரு “சூழல் வீழ்ச்சி” என்று நகரத் திட்டமிடல் நிபுணர்களும் சுற்றுச்சூழல் ஆர்வலர்களும் குறிப்பிடுகின்றனர். இந்த கருவிகள் நகரின் வெப்பத்தை அதிகரிப்பதோடு மட்டுமல்லாது, ஒலி மாசுபாடு, அதிக மின்சார நுகர்வு போன்ற பாதகமான விளைவுகளையும் ஏற்படுத்துகின்றன.

இந்தக் கருவிகளின் விரிவான பயன்பாடு ஒரு சுழற்சி சிக்கலை உருவாக்குகிறது: வெப்ப நிலை அதிகரிக்கிறது → மக்கள் குளிர்சாதனத்தை அதிகம் பயன்படுத்துகிறார்கள் → வெளியே வெப்பம் அதிகரிக்கிறது → மேலும் AC தேவைப்படுகிறது. இந்தத் தொடரும் சுழற்சி, குளிர்ச்சியைத் தேடி செல்லும் முயற்சியால் நகரத்தை மேலும் மேலும் வெப்பமடையச் செய்கிறது.

Apur ஆய்வின்படி, தற்போதைய இந்த நிலை தொடருமானால், பாரிஸ் கோடை காலங்களில் மின்சார தேவையை சமாளிக்க கடுமையாகப் போராட வேண்டிய சூழ்நிலை ஏற்படும். ஏற்கனவே, நகரத்தின் சில பகுதிகளில், இரவிலும் வெப்பநிலை குறைவடையாத நிலை உருவாகியுள்ளது.

இந்த நெருக்கடிக்கு பதிலாக, பாரிஸ் நகரம் பல நடவடிக்கைகளை முன்னெடுத்து வருகிறது.
👉பாஸிவ் குளிர்சாதனக் கட்டிடங்கள்: இயற்கை காற்றோட்டம், பசுமை கூரைகள், நிழல் சுவர்கள், வெப்பநிலைத் தடுப்பு போன்ற வடிவமைப்புகள் ஊக்குவிக்கப்படுகின்றன.
👉பசுமை நகர அமைப்பு: மரங்கள், பூங்காக்கள், பசுமை வளிகள் மூலம் நகர சூட்டைப் பராமரிக்க இயற்கையான முறைகள் நாடப்படுகின்றன.

👉AC நிறுவல் ஒழுங்குமுறை: பொதுமக்கள் அடர்ந்த பகுதிகளில் AC கருவிகள் வெப்பத்தை நேரடியாக வெளியேற்றக்கூடிய அமைப்புகள் தவிர்க்கப்பட வேண்டும் என்பதற்காக புதிய விதிமுறைகள் பரிசீலிக்கப்படுகின்றன.

👉மாவட்ட குளிர்சாதன மையங்கள்: தனித்தனி கருவிகளுக்குப் பதிலாக, ஒரு பிரதேசத்திற்கே மையமாய் இயங்கும் குளிர்சாதன அமைப்புகள் அமைக்கப்படுகின்றன.

பெரும்பாலான நாடுகளில், குளிர்சாதனம் நவீன வசதியின் அடையாளமாகவே பார்க்கப்படுகிறது. ஆனால், அதைத் தவிர்க்க வேண்டிய சூழ்நிலை நம்மை நோக்கி வருகின்றது. மக்கள் மனதில் மாற்றம் ஏற்படுத்த வேண்டியுள்ளது. AC-ஐ பொறுப்புடன் பயன்படுத்தும் பழக்கங்களை வளர்த்தல் மட்டுமன்றி, மாற்று தீர்வுகளின் மீது நம்பிக்கை வைக்க வேண்டிய அவசியம் உள்ளது.

வெப்பநிலைகள் ஆண்டாண்டாக உயரும் வேகத்தில் நகரங்கள் எடுக்கும் முடிவுகள் எதிர்கால வாழ்வாதாரத்தை தீர்மானிக்கின்றன. “நாம் உள்ளே குளிர்ச்சியடைய, நகரமே வெப்பப்பட வேண்டுமா?” என்பதே இந்நேரத்தில் எழும் முக்கியமான கேள்வி.

பலஸ்தீனை ஜூன் மாதத்தில் அங்கீகரிக்கவுள்ளதாக பிரான்ஸ் ஜனாதிபதி இம்மானுவேல் மக்ரோன் ஏப்ரல் 9-ஆம் தேதி ஒரு பிரஞ்சு தொலைக்காட்சிக்கு வழங்கிய நேர்காணலில் தெரிவித்தார். இது மேற்கு ஆசியா தொடர்பான பிரான்ஸின் வெளிநாட்டு கொள்கையில் ஒரு முக்கியமான மாற்றத்தை வெளிப்படுத்துவதாக உள்ளது.

“சவூதி அரேபியா மற்றும் பல நாடுகளுடன் இணைந்து ஜூன் மாதத்தில் ஒரு மாநாட்டை நடத்தும் நோக்கத்துடன் இருக்கிறோம். இதன் விளைவாக பலஸ்தீனை அங்கீகரிக்க முடியும்,” என மக்ரோன் கூறினார்.

இக்கருத்து, பிரான்ஸின் இரு-மாநில தீர்வு (Two-State Solution) முயற்சிக்கு வலுசேர்க்கும் வகையில் முன்வைக்கப்படுகிறது. இது, இஸ்ரேலுடனும் பலஸ்தீனுடனும் சமாதானமாக இணைந்து வாழும் இரண்டு தனி நாடுகளை உருவாக்கும் தீர்வாகும்.

பலஸ்தீனிய ஆட்சி அமைப்பு (Palestinian Authority) இதை வரவேற்று, “பஸ்தினிய மக்களின் உரிமைகளை பாதுகாக்கும் பாதையில் இது முன்னேற்றமான ஒரு கட்டமாகும்” என்று குறிப்பிட்டது.

தற்போது, ஐக்கிய நாடுகள் அமைப்பில் உள்ள 193 நாடுகளில் 147 நாடுகள் பஸ்தீனை அங்கீகரித்துள்ளன. கடந்த 2024 மே மாதத்தில் ஸ்பெயின், ஐர்லாந்து மற்றும் நோர்வே ஆகிய நாடுகளும் இதில் சேர்ந்தன. ஆனால் அமெரிக்கா, இங்கிலாந்து, ஜெர்மனி போன்ற பல மேற்கு நாடுகள் இன்னும் அங்கீகாரம் வழங்கவில்லை.

பிரான்ஸ் எடுத்துள்ள இப்புதிய நடவடிக்கையானது, மற்ற ஐரோப்பிய நாடுகளின் முடிவை மாற்றும் வகையிலும், உலகத் தரத்தில் பலஸ்தீனின் அரசியல் நிலையை உயர்த்தும் வகையிலும் அமையலாம். இதன் போது மக்ரோன் மேலும் ஒரு முக்கிய தகவலை பகிர்ந்தார். பலஸ்தீனை அங்கீகரிப்பதோடு, சில மத்திய கிழக்கு நாடுகள் இஸ்ரேலை அங்கீகரிக்க வாய்ப்பு உள்ளது எனவும் குறிப்பிட்டார்.

தற்போது, எகிப்து, ஜோர்டான், ஐக்கிய அரபு எமிரேட்ஸ் போன்ற சில அரபு நாடுகள் இஸ்ரேலை அங்கீகரித்துள்ளன. ஆனால் சவூதி அரேபியா, ஈரான், ஈராக், சிரியா மற்றும் யெமன் போன்றவை இன்னும் அங்கீகரிக்கவில்லை. இதில் சில நாடுகள் இஸ்ரேலை அங்கீகரிப்பது, மத்திய கிழக்கில் புதிய உரையாடல் வாய்ப்புகளை ஏற்படுத்தக்கூடும்.

இது இஸ்ரேல் மற்றும் பாலஸ்தீனுக்கான சம உரிமைகளை வழங்கும் நோக்கத்திலான ஒரு இரட்டை அங்கீகார முயற்சி எனக் கொள்ளலாம்.

இந்த முயற்சிக்கு எதிராக பல சவால்கள் உள்ளன. நிலப்பகுதிகளைப் பற்றிய தகராறுகள், பாலஸ்தீனியர்களுக்குள் உள்ள உட்பகைகள், மற்றும் இஸ்ரேல் அரசின் கடுமையான நிலைப்பாடு போன்றவை இது சாத்தியமா என்பதில் கேள்விக்குறி எழுப்புகின்றன.

மேலும், பிரான்ஸின் இந்த நடவடிக்கை, இஸ்ரேல் மற்றும் அமெரிக்காவுடன் மோதல்களை ஏற்படுத்தும் வாய்ப்பும் உள்ளது.

பிரான்ஸ் ஒரு அமைதி அமைப்பாளராக இந்த முயற்சியில் ஈடுபடுவதை, பல நாடுகள் மாற்றத்திற்கான ஒரு அறிகுறியாகப் பார்க்கின்றன. ஐ.நா. பாதுகாப்பு கவுன்சிலின் நிரந்தர உறுப்பினராகவும், ஐரோப்பிய ஒன்றியத்தில் முக்கிய பங்கு வகிப்பவராகவும், பிரான்ஸின் நடவடிக்கை பலஸ்தினிய அரசியல் நிலைக்கு மேலும் வலுவூட்டும்.

இந்த முயற்சி மூலம், பல ஆண்டுகளாக நிலைத்திருந்த அமைதி முயற்சிகளில் ஏற்பட்ட தளம்பல் நிலையை மாற்றும் புதிய வழி உருவாகலாம்.

Aubervilliers இல் மருந்து ஊழியர் ஒருவரிடம் இருந்து €100,000 யூரோக்கள் கொள்ளையடிக்கப்பட்டுள்ளது. இது தொடர்பில் பொலிஸார் தீவிர விசாரணையில் ஈடுபட்டுள்ளனர். சம்பவம் குறித்து மேலும் தெரியவருவதாவது.
Aubervilliers, France இல் மருந்தகத் தொழிலாளி ஒருவர் தனது நிறுவன வங்கிக்கணக்கில் வைப்புச் செய்வதற்காகப் பணத்துடன் சென்றபோது, ​​அவரை இருவராக வந்த கொள்ளையர்கள் தாக்கி, அவரிடமிருந்து €100,000 யூரோக்கள் கொள்ளையடித்துத் தப்பிச் சென்ற சம்பவம் பரபரப்பை ஏற்படுத்தியுள்ளது.

இந்த சம்பவம், ஏப்ரல் 8, செவ்வாய்க்கிழமை அன்று, மாலை 4:15 மணியளவில், Avenue de la République வீதியில் இடம்பெற்றுள்ளது. பாதிக்கப்பட்ட நபர், Pantin (Seine-Saint-Denis) நகரில் உள்ள ஒரு மருந்தகத்தில் பணியாற்றும் ஊழியர் எனக் குறிப்பிடப்பட்டுள்ளது. சம்பவம் நிகழ்ந்த போது, அவர் நிறுவனம் சார்ந்த பணத்தை வங்கியில் வைப்புச் செய்ய சென்றிருந்தார்.

பாதிக்கப்பட்டவர் வங்கியின் அருகே சென்றுகொண்டிருந்தபோது, இரு கொள்ளையர்கள் அவரை வழிமறித்து தாக்கியுள்ளனர். தாக்குதலின் போது, அவர் தாக்கி வீழ்த்தப்பட்ட நிலையில், அவரிடம் இருந்த பணப்பையை பறித்துக்கொண்டு, கொள்ளையர்கள் மோட்டார்சைக்கிளில் தப்பிச் சென்றதாக காட்சியிடப்பட்டுள்ளது.

சம்பவம் தொடர்பில் உடனடியாக Seine-Saint-Denis காவல் துறை துரிதமாக நடவடிக்கை எடுத்து, பாதிக்கப்பட்ட நபரிடம் வாக்குமூலம் பெற்றுள்ளனர். அருகிலுள்ள கண்காணிப்பு கேமராக்களில் பதிவு செய்யப்பட்ட வீடியோக்கள் தற்போது ஆய்வு செய்யப்பட்டுவருகிறது. மேல் நீதிமன்றத்தின் ஒத்துழைப்புடன், தாக்குதலின் பின்னணியில் உள்ள காரணிகள் மற்றும் சந்தேக நபர்களை அடையாளம் காண முயற்சி மேற்கொள்ளப்பட்டுவருகிறது.

பணம் மற்றும் பெறுமதிமிக்க பொருட்களை வெளியில் எடுத்துச் செல்லும் நிறுவன ஊழியர்கள், மேலும் பாதுகாப்பான முறைகளில் பண பரிவர்த்தனை செய்ய வேண்டும் என அதிகாரிகள் அறிவுறுத்தியுள்ளனர். குறிப்பாக, பாதுகாப்பு அம்சங்களுடன் கூடிய பணவாகனங்களைப் பயன்படுத்தும் மருந்தகங்கள் மற்றும் சிறு நிறுவனங்கள், சிக்கல்களை தவிர்க்கும் நோக்கில் முன்னெச்சரிக்கையாக நடந்து கொள்ள வேண்டும்.

இதுவரை குற்றவாளிகள் பிடிபடவில்லை. சம்பந்தப்பட்ட வழக்கு தொடர்பாக மேலதிக தகவல்களை வழங்கக்கூடியவர்கள், 93 காவல் நிலையம் அல்லது Crimestoppers France என்ற அமைப்பை தொடர்புகொண்டு தகவல்களை பகிரலாம்.

2025 ஆம் ஆண்டில் வரிகள் அதிகரிக்கப்படமாட்டாது: நிதி அமைச்சர் எரிக் லோம்பார்ட் உறுதியளிப்பு
பாராளுமன்றத்தில் நாட்டின் பட்ஜெட் தாக்கல் நிகழ்வின்போது, நாட்டின் வளர்ச்சி விகிதம் 0.9% ஆக இருந்தது. எனினும், உலகளாவிய மற்றும் உள்ளூர் பொருளாதார சூழ்நிலைகளில் ஏற்பட்ட நிச்சயமற்ற தன்மை காரணமாக, வளர்ச்சி கணிப்பை 0.7% ஆகக் குறைத்துள்ளதாக பொருளாதாரம் மற்றும் நிதி அமைச்சர் எரிக் லோம்பார்ட் (Eric Lombard) அறிவித்தார்.

இதுபற்றி அவர் தெரிவிக்கையில் “நாட்டின் நன்மையை கருத்தில் கொண்டு இந்த மாற்றம் செய்யப்பட்டுள்ளது. நாங்கள் நாட்டின் பற்றாக்குறையை சமாளிக்க தேவையான நடவடிக்கைகளை எடுப்போம். ஆனால் அதற்காக வரிகளை அதிகரிக்கவேண்டும் என்பதில்லை. நாங்கள் தற்போதைய நிதி நிலைமையை மேலும் மோசமாக்க விரும்பவில்லை.”

இந்த அறிவிப்பு, அமெரிக்க ஜனாதிபதி டொனால்ட் டிரம்ப் விதித்த வரிகள் காரணமாக சர்வதேச வர்த்தகத்தில் ஏற்பட்ட குழப்பத்தையும், நாட்டின் பொருளாதாரத்தில் அதனால் ஏற்பட்ட சீர்கேடுகளையும் தொடர்ந்து வெளியாகியுள்ளது.

மேலும், 2025 ஆம் ஆண்டுக்கான பொதுச் செலவினங்களில் பாராளுமன்றம் நிறைவேற்றிய பல கட்டணங்களும் வளர்ச்சி வீதத்தைக் குறைக்கும் என ஏற்கனவே சில பொருளாதார நிபுணர்கள் எச்சரித்திருந்தனர். இருந்தும், வரிகளை உயர்த்துவது தற்போதைய சூழ்நிலையில் சிறந்த தீர்வாக இருக்காது என அமைச்சர் தெளிவாக கூறியுள்ளார்.

அதனை தொடர்ந்து, நிதி அமைச்சர் மேலும் தெரிவிக்கையில்:
“நாங்கள் செலவினங்களை சீரமைக்கும் முயற்சியை மேற்கொண்டு வருகிறோம். வருமானத்தை உயர்த்துவது என்பது ஒரே வழியல்ல. நாம் விரைவில் புதிய பொருளாதார உத்திகளை அறிமுகப்படுத்த உள்ளோம்.” என்று கூறினார்.

‘புஷ்பா: தி ரூல்’ என்ற திரைப்படத்தின் உலகளாவிய வெற்றிக்குப் பிறகு, தேசிய விருதையும் வென்ற அல்லு அர்ஜுன், ‘ஜவான்’ என்ற 1000 கோடி ஹிட் படத்தை இயக்கிய அட்லீயுடன் கை கோர்க்கிறார். ‘AA22xA6’ எனத் தற்காலிகமாக பெயரிடப்பட்டுள்ள இந்த திரைப்படம், அல்லு அர்ஜுனின் பிறந்த நாளான ஏப்ரல் 8ஆம் தேதி 2025 அன்று உத்தியோகபூர்வமாக அறிவிக்கப்பட்டது.

‘புஷ்பா: தி ரூல்’ வெற்றிக்கு பிறகு அல்லு அர்ஜுனின் புதிய பயணம்
Rs 1,800 கோடியை உலகம் முழுவதும் வசூலித்து, ‘புஷ்பா: தி ரூல்’ இந்திய சினிமாவின் வரலாற்றில் முக்கிய இடத்தை பிடித்தது. இதன் மூலம், தேசிய அளவில் சிறந்த நடிகர் விருதைப் பெற்ற முதல் தெலுங்கு நடிகராக அல்லு அர்ஜுன் உருவெடுத்தார். இப்போது, இந்திய சினிமாவின் மிக நம்பிக்கைக்குரிய இயக்குனர்களில் ஒருவரான அட்லீயுடன் இணைந்து, அவர் இன்னொரு பரபரப்பான பயணத்தை ஆரம்பிக்க உள்ளார். இது ஒரு மாஸ் பான்இண்டியா(pan-India film) திரைப்படமாக உருவாகும் என எதிர்பார்க்கப்படுகிறது.

பல பிரம்மாண்ட ஹிட் படங்களை உருவாக்கிய சன் பிக்சர்ஸ் நிறுவனம், 2025 ஏப்ரல் 8ஆம் தேதி இந்தப் படத்தை அதிகாரப்பூர்வமாக அறிவித்தது. X (Twitter) தளத்தில், “Gear up for the Landmark Cinematic Event #AA22xA6 – A Magnum Opus from Sun Pictures” எனும் அறிவிப்புடன், @alluarjun @Atlee_dir #SunPictures #AA22 #A6 என்ற ஹாஷ்டாக்களும் வெளியிடப்பட்டன. ரசிகர்கள் பெரும் உற்சாகத்துடன் இந்த கூட்டணியை கொண்டாடிக் கொண்டிருக்கிறார்கள். வெளியான ஃபர்ஸ்ட் லுக் போஸ்டர், மாஸ், ஆக்‌ஷன் மற்றும் வியக்கத்தக்க ஷாட்கள் நிறைந்த ஒரு மிகப் பெரிய திரைப்பட அனுபவத்தை இந்த திரைப்படம் கொடுக்கும் என எதிர்பார்க்கப்படுகிறது.

‘AA22xA6’ என தற்காலிகமாக பெயரிடப்பட்டுள்ள இந்த படம், அல்லு அர்ஜுனின் 22வது படம் மற்றும் அட்லீயின் 6வது இயக்குநர் முயற்சியாகும். இருவருமே இந்திய சினிமாத்துறையில் சாதனைகளை எட்டியவர்கள் என்பது சினிமா வட்டாரங்களின் தற்போதைய கிசுகிசுப்பு. ரூ.500 கோடி பட்ஜெட்டில் இப்படம் உருவாகவுள்ளது எனவும் இது இந்தியாவில் உருவாகும் மிகச் சிறந்த, விலையுயர்ந்த படங்களில் ஒன்றாகும் எனவும் பரவலாக பேசப்படுகிறது. இதனால், பல மொழிகளில் இப்படம் பாக்ஸ் ஆஃபிஸ் சாதனைகளை ஏற்படுத்தும் என வியாபார நிபுணர்கள் எதிர்பார்க்கின்றனர்.

விஷேஷ காட்சிகள், விஷுவல் எஃபெக்ட்ஸ், பிரம்மாண்டம்
படத்தின் தொடக்கக் காட்சிகளை கொண்ட ஒரு டீசர் வீடியோவும் வெளியிடப்பட்டது. இந்தப் படம் விஞ்ஞானம், ஆக்‌ஷன் மற்றும் ஃபேண்டஸி கலந்த ஒரு தனிப்பட்ட வகையை சேர்ந்தது என கூறப்படுகிறது; அதில் சுபாவிக (supernatural) மற்றும் அயல்வாழி (alien) அம்சங்களும் இடம்பெறுகின்றன. பிரபல விஷுவல் எஃபெக்ட்ஸ் நிறுவனமான Lola VFX இதில் பணியாற்றுவதாக தகவல்கள் தெரிவிக்கின்றன. இந்தியாவின் நான்கு திசைகளிலுமுள்ள ரசிகர்கள் இதில் சேரும்காட்சியாக, இந்த படம் இந்திய சினிமாவின் அடுத்த மாபெரும் விழாவாக உருவாகும் என எதிர்பார்க்கப்படுகிறது.

“Twitter-ஐ $44 பில்லியனுக்கு வாங்கினார். இப்போது அந்த நிறுவனம் “X” என அழைக்கப்படுகிறது. ஆரம்பத்தில் அவர் X ஐ சமூக ஊடகமாகக் காட்டினாலும் X இன் உண்மையான நோக்கம், தரவுகளின் பெறுமதி இப்பொழுதுதான் புரிகிறது.”

தென் ஆப்பிரிக்காவில் பிறந்த தொழில்நுட்ப விஞ்ஞானியான எலான் ரீவ் மஸ்க் (Elon Reeve Musk), தொழிலதிபர் மற்றும் கண்டுபிடிப்பாளராக உலகம் முழுவதும் அறியப்படுகிறார். SpaceX, Tesla, Neuralink, The Boring Company, மற்றும் தற்போது xAI எனும் AI நிறுவனத்தை இயக்கும் இவர், 21ஆம் நூற்றாண்டின் ‘ஸ்டீவ் ஜாப்ஸ்’ என அழைக்கப்படுகிறார்.

எலான் மஸ்க் இற்கு சொந்தமான நிறுவனங்களின் பட்டியல்
👉Tesla (2004–) – மின்சார கார்கள் மற்றும் பசுமை ஆற்றல் தொழில்நுட்பங்களில் முன்னோடி.
👉SpaceX (2002–) – வான்வெளி பயணங்களை நிஜமாக்கிய நிறுவனம்.
👉Neuralink, The Boring Company, Starlink – மனதைக் கணிப்பதிலிருந்து, பூமியின் அடியில் சுரங்கங்கள் தோண்டும் முயற்சிகள் வரை, பல துறைகளில் மாறுபட்ட முயற்சிகள்.
👉xAI (2023) – மனிதன் போன்று சிந்திக்கும் Artificial Intelligence உருவாக்கும் நோக்குடன் உருவான நிறுவனம்.

கடந்த 2022-ம் ஆண்டு, எலான் மஸ்க் அனைவரையும் ஆச்சரியப்படுத்தும் வகையில், Twitter-ஐ $44 பில்லியனுக்கு வாங்கினார். இப்போது அந்த நிறுவனம் “X” என அழைக்கப்படுகிறது. ஆரம்பத்தில் அவர் X ஐ சமூக ஊடகமாகக் காட்டினாலும் X இன் உண்மையான நோக்கம், தரவுகளின் பெறுமதி இப்பொழுதுதான் புரிகிறது.

xAI – X ஒன்றிணைப்பு: ஒரு புதுமையான திட்டம்
2025-ல், மஸ்க் ஒரு பெரிய தீர்மானம் எடுத்தார். தனது AI நிறுவனம் xAI, முன்னாள் Twitter என அறியப்படும் X-ஐ $33 பில்லியனுக்கு ஷேர் அடிப்படையில் வாங்கியது. X-ன் $12 பில்லியன் கடனை தவிர்த்துவிட்டனர்.

அறிகுறிகள்:
X இன் மதிப்பு: $33 பில்லியன்
xAI இன் புதிய மதிப்பு: $80 பில்லியன்
இந்த டீல் மூலம் xAI, OpenAI, Google, Anthropic போன்ற AI நிறுவனங்களுக்கு நேரடி போட்டியாக மாறியது.

Twitter-ஐ $44 பில்லியனுக்கு மஸ்க் வாங்கியபோது அவர் நஷ்டத்தில் விழுகிறார் என்பதே அனைவரது கருத்தாகவும் இருந்தது ஆனால் இப்போது அவரது நோக்கம் வெளிப்படையாத் தெரிகிறது: “AI-க்கு தேவையான நேரடி, மனித தொடர்பு தரவுகள்”

X ஒரு தரவுகளின் தங்கச் சுரங்கம்
600 மில்லியன் பயனர்கள், நேரடி உரையாடல்கள், மனிதக் கருத்துகள், உண்மையான நிகழ்வுகள் – இவை அனைத்தும் AI மாடல்களை நேரடி சூழ்நிலைக்கு ஏற்ப பயிற்சி செய்ய உதவுகின்றன. அதிகபட்ச AI நிறுவனங்கள் பழைய, வரலாற்று தரவுகளை மட்டுமே பயன்படுத்துகின்றன. ஆனால் xAI-க்கு நிகழ்காலத் தரவுப்பெருக்கம் கிடைத்துள்ளது.

இதன் விளைவுகள்:
✅ மனிதன் போல் சிந்திக்கும் AI
✅ நேரடி அப்ளிகேஷன்களில் முன்னிலை
✅ எங்கும் கிடைக்காத சமீபத்திய தரவுகளை அடிப்படையாகக் கொண்டு பயிற்சி

எதிர்காலம் எப்படியிருக்கும்?
1️⃣ AI வழிநடத்தும் உள்ளடக்கங்கள்
– உங்கள் விருப்பங்களை புரிந்து, AI பரிந்துரைகள், உண்மை சரிபார்ப்பு, வாதங்களை தீர்ப்பது போன்ற அம்சங்கள்.
2️⃣ X “எல்லாம் ஒரு செயலி” ஆக மாறும்
– உள்ளடக்கம் உருவாக்கம், AI உதவியாளர்கள், கல்வி, செய்தி, என எல்லாம் ஒரே இடத்தில்.
3️⃣ ஒழுங்குமுறை தடைகளை தவிர்க்கும் திறமை
– xAI தான் X-ஐ வாங்கியதால், இது சோஷியல் மீடியா ஒருங்கிணைப்பு அல்ல, AI மேம்பாடு என அமைந்துவிட்டது.

எலான் மஸ்க் ஒரு சாதாரண வாழ்க்கை வாழும் தொழில்நுட்ப மாஸ்டர். அவர் அதிக நேரம் தனது திட்டங்கள், ஆராய்ச்சிகள், மற்றும் நிகழ்ந்த தவறுகளை திருத்துவதில் செலவழிக்கிறார். வெறும் பணத்துக்காக அல்லாமல், மனித இனம் மேம்பட வேண்டும் என்பதே அவரது வழிமுறை.

இது ஒரு சாதாரண டெக் டீல் அல்ல. மாறாக ஒரு திட்டமிட்ட, சக்திவாய்ந்த மாற்றம். xAI இப்போது ஒரு AI சாம்ராஜ்யமாக மாறியுள்ளது. மஸ்க் இப்போது யாருடனும் போட்டியிடவில்லை
அவர் இந்த மொத்த விளையாட்டையே மாற்றி விட்டார். தற்போதைய உலகில், தகவல் தான் சக்தி.மஸ்க் அதனை உணர்ந்தவர் மற்றும் அதனை பயன்படுத்தத் தெரிந்த ஒரே நபர்!

ஏப்ரல் 8, செவ்வாய்க்கிழமை மாலை, பிரான்ஸின் பா-து-கலே (Pas-de-Calais) கடற்பிராந்தியத்தில் இருந்து பிரித்தானியாவை நோக்கி புறப்பட்ட ஒரு அகதிகள் படகு, நடுக்கடலில் இயந்திரக்கோளாறு காரணமாக பழுதடைந்து நின்றது. இந்த படகில் 72 அகதிகள் பயணம் செய்தனர்.

Saint-Etienne-au-Mont நகரப்பகுதியை ஒட்டிய கடல் எல்லை வழியாகக் கடந்து சென்ற படகு, இயந்திரக்கோளாறால் நடுக்கடலில் கட்டுப்பாட்டை இழந்ததும், அவசர தகவல் centre régional opérationnel de surveillance et de sauvetage (CROSS) என்ற கடற்படை மீட்புப் பிரிவினருக்கு தெரிவிக்கப்பட்டது.

CROSS அமைப்பின் துரிதச் செயல்பாட்டினால், 72 அகதிகளும் பாதுகாப்பாக மீட்கப்பட்டனர். அவர்கள் உடனடியாக மருத்துவ பரிசோதனைக்காக அருகிலுள்ள பாதுகாப்பு மையங்களுக்கு அழைத்துச் செல்லப்பட்டனர். கடல் பயணத்தின் போது யாருக்கும் பெரும் காயங்கள் ஏற்படவில்லை என்பது குறிப்பிடத்தக்கது.

இந்தச் சம்பவம், கடந்த சில வாரங்களாகவே பிரான்ஸ் – பிரிட்டன் கடற்கரைகளில் அதிகரித்து வரும் சட்டவிரோத அகதிப் பயணங்களுக்கு வலுவான ஒரு ஆதாரமாகத் தோன்றுகிறது. இதே போன்று ஏப்ரல் 3ஆம் திகதி, Wimereux (Pas-de-Calais) நகரப்பகுதியைச் சேர்ந்த கடலோரத்திலிருந்து இரண்டு படகுகளில் பிரிட்டன் நோக்கி பயணித்த 115 அகதிகளும் மீட்கப்பட்டிருந்தனர்.

சட்டவிரோதமாக கடல் வழியாக பிரிட்டன் செல்ல முயற்சிக்கின்ற அகதிகள் எண்ணிக்கை தொடர்ந்து உயர்ந்துவரும் நிலையில், இத்தகைய மீட்புச் செயல்பாடுகள் பரபரப்பையும், மனிதாபிமான சிக்கல்களையும் ஏற்படுத்தி வருகின்றன. பெரும்பாலும் சிரியா, ஆப்கானிஸ்தான், ஈராக் மற்றும் சுடானுக்கு ஆகிய நாடுகளிலிருந்து யுத்தம் மற்றும் வறுமையால் பாதிக்கப்பட்ட நாடுகளில் இருந்து அகதிகள் இவ்வாறு பயணிக்கின்றனர்.

பிரான்ஸ் அரசு மற்றும் யூக சந்தா நாடுகள், இந்த பயணங்களை தடுக்கும் நடவடிக்கைகள் குறித்து கலந்துரையாடி வருகின்றன. அதே சமயம், இவை தொடர்பான நடவடிக்கைகளின் போது அகதிகள் பாதுகாப்பும், மற்றும் மனித உரிமைகளும் முக்கியத்துவம் பெற வேண்டும் என்ற எதிர்பார்ப்பு பலரிடமும் உருவாகியுள்ளது.

அமெரிக்க ஜனாதிபதி டொனால்ட் ட்ரம்பின் சமீபத்திய சுற்று வர்த்தக வரிகள் இன்று பிரித்தானியாவில் அமலுக்கு வருகின்றது. அமெரிக்காவின் நீண்ட கால வர்த்தக நண்பர்களையே பாதிக்கும் வகையில் அவரது நடவடிகைகள் அமைந்துள்ளது.

இதில் அமெரிக்காவிற்குள் நுழையும் கிட்டத்தட்ட அனைத்து பிரித்தானியப் பொருட்களுக்கும் 10 சதவீத இறக்குமதி வரியும் செலுத்த வேண்டும். அத்துடன் அலுமினியம், மற்றும் கார்கள் மீது முன்னர் அறிவிக்கப்பட்ட 25 சதவீத வரிகளும் அடங்கும்.

பிரித்தானியாவில் பொருளாதார மந்தநிலை ஏற்படும் என்ற அச்சத்தின் மத்தியில், எரிபொருள் விலைகள், அடமானங்கள், ஓய்வூதிய நிதிகள் மற்றும் பொருட்களின் விலைகள் அனைத்தும் பாதிக்கப்படும். ஆனால், தனது நாட்டின் பொருளாதாரத்தை மீட்டெடுக்கவும், தேசிய பாதுகாப்பை உறுதி செய்யவும் இந்த அதிரடி நடவடிக்கைகள் அவசியம் என்றே ஜனாதிபதி ட்ரம்ப் கூறி வருகிறார்.

ட்ரம்பின் இந்த அடாவடி வரி விதிப்பால் பிரித்தானியாவில் என்னென்ன பாதிப்பு ஏற்படும் என்பது தொடர்பில் நிபுணர்கள் குழு பட்டியலிட்டுள்ளது. எரிபொருள் தொடர்பில் மொத்த விற்பனை விலைகள் சரிவடைந்துள்ளதை அடுத்து, சில வாரங்களுக்குள் பெட்ரோல் மற்றும் டீசல் லிற்றருக்கு 6p வரை குறையும் என்று கணிக்கப்பட்டுள்ளது.

பாதிக்கப்படுவார்கள்
ஆனால் வர்த்தகர்கள் பொருளாதார மந்தநிலை தேவையைப் பாதிக்கும் என்று நினைப்பதால் மட்டுமே விலை குறையும். வட்டி விகிதம் 3.79 சதவீதம் என சரிவடைய வாய்ப்புள்ளதாக கூறுகின்றனர். இதனால் வீடு வாங்குவோருக்கு சாதகமாக அமையும். பிரித்தானிய வங்கி உட்பட உலகின் பல மத்திய வங்கிகள் வளர்ச்சியை ஊக்குவிக்கும் வகையில் முடிந்தவரை வட்டி விகிதங்களைக் குறைக்கவே முயற்சிகளை மேற்கொண்டுள்ளன.

இதனிடையே, ட்ரம்ப்பால் பாதிக்கப்பட்ட நாடுகளில் உள்ள நிறுவனங்கள் அமெரிக்காவைத் தவிர்ப்பதனால், சில இறக்குமதிகள் மலிவாக மாறக்கூடும். ஆனால் அப்படியான பொருட்கள் மேலதிகமாக குவியும் என்றால், பிரித்தானியாவில் உள்ள தயாரிப்பாளர்கள் பாதிக்கப்படுவார்கள்.

ட்ரம்பின் வரிகளின் விளைவாக, பிரித்தானியாவில் விற்கப்படும் சமையலறைப் பொருட்கள், பானம் உள்ளிட்டவை விலை அதிகமாகலாம். அலுமினியம் சார்ந்த பொருட்களை தயாரித்து அமெரிக்காவிற்கு அனுப்பும் நிறுவனங்கள், அதிகரித்த செலவுகளை பிரித்தானியாவில் உள்ள நுகர்வோரிடம் திணிக்க வேண்டிய கட்டாயம் ஏற்படலாம்.

லண்டனை விட்டு வெளியேறும் பெரும் பணக்காரர்களின் எண்ணிக்கை மாஸ்கோவைத் தவிர வேறு எங்கும் இல்லாத அளவுக்கு அதிகரித்து வருகிறது என புதிய புள்ளிவிவரங்களில் தெரிய வந்துள்ளது.

12 சதவீதத்தை இழந்துள்ளது
வெளியான புதிய அறிக்கை ஒன்றில், முதன்மையான 50 நகரங்கலில் லண்டன் உள்ளிட்ட இரண்டு நகரங்கள் மட்டுமே கடந்த 10 ஆண்டுகளுக்கு முன்பு இருந்ததை விட குறைவான எண்ணிக்கையில் பணக்காரர்களைக் கொண்டுள்ளது.

வரி அதிகரிப்பு, பொருளாதார நிச்சயமற்ற தன்மை மற்றும் பவுண்டின் மதிப்பு வீழ்ச்சி ஆகியவை இந்த சரிவுக்குக் காரணமாகக் கூறப்படுகிறது. கடந்த ஆண்டு மட்டும் இரண்டு பெரும் கோடீஸ்வரர்களையும் 100 மில்லியன் டொலர் சொத்து மதிப்பு கொண்ட ஒருவரையும் லண்டன் இழந்துள்ளது.

ஒட்டுமொத்தமாக, 2014 முதல் லண்டன் அதன் பணக்கார குடியிருப்பாளர்களில் 12 சதவீதத்தை இழந்துள்ளது. மேலும் கடந்த 10 ஆண்டுகளில் மட்டும் 30,000 கோடீஸ்வரர்கள் லண்டனில் இருந்து வெளியேறியுள்ளனர்.

ஆனால் இதே காலகட்டத்தில் மாஸ்கோவில் இருந்து 10,000 கோடீஸ்வரர்கள் மட்டுமே வெளியேறியுள்ளனர். கடந்த ஆண்டு அக்டோபரில், தற்போதைய லேபர் கட்சி அரசாங்கத்தின் கீழ் பிரித்தானியா அதன் மில்லியனர்களில் ஐந்தில் ஒரு பங்கை இழக்க நேரிடும் என்று பொருளாதார வல்லுநர்கள் எச்சரித்தனர்.

இதற்கு முதன்மையான காரணம் வரி விதிப்பு மட்டுமே என குறிப்பிட்டுள்ளனர். வெளியான தரவுகளின் அடிப்படையில் 1 மில்லியன் டொலருக்கும் அதிகமான சொத்துக்களைக் கொண்ட பிரித்தானியக் குடியிருப்பாளர்களின் எண்ணிக்கை 2028ல் 4.55 சதவீதத்தில் இருந்து 3.62 சதவீதம் என சரிவடையும் என்றே தெரிய வந்துள்ளது.

40 சதவீத வரி
புதிய விதிகளின்படி, நான்கு ஆண்டுகளுக்கும் மேலாக பிரித்தானியாவில் வசித்து வரும் எந்தவொரு பணக்கார வெளிநாட்டினரும், தங்கள் உலகளாவிய வருவாயில் பிரித்தானியாவுக்கு வருமான வரி மற்றும் சொத்துக்களின் ஆதாய வரிகளை செலுத்த வேண்டும்.

ஆனால் இதற்கு முன்னர் ஆண்டுக்கு 30,000 பவுண்டுகள் மட்டுமே கட்டணமாக செலுத்தினால் போதுமானதாக இருந்தது. மேலும், பிரித்தானியாவில் வசிக்கும் காலம் மொத்தம் அவர்களின் உலகமெங்கிலும் உள்ள சொத்துக்களுக்கு 40 சதவீத வரி செலுத்த வேண்டும் என்ற நிலை ஏற்பட்டுள்ளது.

இதன் காரணமாகவே, பெரும்பாலான பணக்காரர்கள் போர்த்துகல், செயிண்ட் கிட்ஸ் மற்றும் நெவிஸ், ஸ்பெயின், கிரீஸ், ஐக்கிய அரபு அமீரகம் மற்றும் இத்தாலி போன்ற நாடுகளுக்கு இடம்பெயர்ந்து வருகின்றனர்.

இங்கெல்லாம் மிக மிக குறைந்த வரி மட்டுமின்றி, குறிப்பிட்ட தொகையை செலுத்துவதன் ஊடாக வரி விதிப்பில் இருந்தும் தப்பலாம் என்பது குறிப்பிடத்தக்கது. ” இந்த கட்டுரை தொடர்பில் மேலதிக காரணங்களை ஆராய்ந்து அவற்றையும் இணைத்து மீண்டும் புதிய கட்டுரையை எழுதுக